ادخل في الموضوع سيده لاني اذا بربرت واجد وطقيت الميانه جبت العيد ...
وبعيدن الاعياد اللي اجيبها ماهيب مثل اعياد البشر
يعني خذوا بعض الأمثله
مره طقيت الميانه مع العميد في الجامعة رفسته
ومره طقيت الميانه مع ابوي عزمته في مقهى الشلال
ومره طقيت الميانه مع جندي يسوق دوريه دايم يوقف في حارتنا ويسولف معي ..
اخذت مكرفون الدوريه وقلت كلكم ياللي في غرفة العمليات على شحم ؟؟؟؟؟
مره من المرارير.....
وبالضبط الصيف ماهو اللي فات ولا اللي قبله .. اللي بيجي السنه الجايه الظاهر
كنت في باريس .. رايح سياحه ..
وانا اتمشى في شوارع باريس ..وكنت لابس فنيله علاقي ..
لونها احمر ومرسوم فيها قلب منشلخ نصين وشورت اخضر زيتي ومنقط بلون تفاحي.. ولابس شراب لونه وردي ومقلم بلون احمر و***ريه وفي يدي سلسله ..
وكاتب على كتفي ايام دونكي(( مدري وش معناها ))
ورسمت جمجمه تيس ... ولابس قبعه .. يقال لي سايح ... والناس تمر من عندي ... ويتبسمون رايحين معي ملح وانا طاقها ثقل .... والبنات يمرون من عدني ويتسدحووون .. اللي تقول ذس از برتم .. واللي تقوول اوووه ماي قاد اغدي ملح ...
شوي الا وفيه شايب اعمى يمشي وهو ماسك حبل ... رابطه برقبة كـلب ... الكـلب شافني وشاف هالاغرااائات في سيقااني __(( رجولي )) __ وقام يلاحقني ..
وانا قطعت الشارع والكــلب ابن الكــلب قطع الشارع واللي راح فيها الاعمى ...
اخر شي الكــلب يلحقني وهو يسحب الحبل بدون الرجال الاعمى ...
(( لاني سمعت صوت فرامل سيارات في الشارع العام وصوت ارتطامات ))
وانا اللي افصخ نعوولي واركض بشوارع باريس .. وهالكـلب وراي .. في الاخير شفت فندق .. خمس نجوم .. ودخلته بسرعه ..ودخلت اللفت ... واللي باللفت طلعوووا وانحاشووووووا ... من الخرعه مادروا هالمخلوق الغريب من وين جاهم ...
واضغط رقم 400 ..وطلعت الدور ال 400 .. إلا وانا وسط كوووفي شوب ...
شي خيالي .. البنات اللي يقدمون الطلبات فيه بدون ملابس .. لابسين شراريب وقطعتين بس ...
اول مادخلت طلع لي بودي قارد .. قال لي ..
وات از يو نيد قلت له ما أنيد شي بت اي يهربيييشن فروم كــلبييشن ..
طبعا انا ارد عليه واطالع لبنات اللي يقدمون الطلبات ... ارتفع ضغطه وقال لي قري اوووووت .. قلت له اووووت ولا بلنتي .... واتعافط انا وياها في الاخير ..
اخذت قاروره من القوارير المصفووفه وكسرت نصها على الطاوله وجيت بطعنه
(( منت بعاقل ياميل جبسون )) .. شافني واحد لابس نظاره شمسيه وكشخه وفيه حبة خال تحت الدقن ؟؟؟
طالعت فيه وركزت الا وهو الوليد بن طلال ...وكلم البودي قارد قال خله يدخل ..
دخلت انا بكل كبرياء وشمووخ وانا اناظر للبودي قارد ...
بعين كلها اشمئزاز وسخريه (( اشمئزاز وسخريه يعني جبن بالمربى ))
قال لي الوليد .. انت خليجي قلت له ايه ..
وطلعت له بووكي ووريته صورتي وانا قاعد على طعس عشان يتأكد ..
ابتسم .. وكمل جلسته مع اصحابه ..
رحت انا للبنت اللي تقدم طلبات .. بغيت اتغزل فيها .. لكن ماعرفت ..
قلت لها أوووووه يو آر از طخمممه آند فطفووطه .. طالعت لي ..
وابتسمت قلت لها أوووووه يووور تيييث از نايس ..
ات از لايك حبات اللولو طالعت لي وابتسمت قلت لها اوووووووووووه شغلي بلوتوثك ...
راحت وهي تبتسم .. مادرت وش هالكائن البشري اللي طايح عليهم وش يقوول ..
طلبت لي شاااهي تلقيمه بالنعناع .. قالوا ماعندنا ..
طلبت لي سندوتش كبده قالوا ماعندنا ...
قلت لهم ابي زي اللي مع ذاااك واشرت على الوليد بن طلال ...جابو لي كووب ..
كااافي ومعه فانيلا ومدري وش معه بعد ..شربت وجيت بحاسب ... قلت ياولد ..
استح على وجهك وحاسب على الرجال هو وضيوووفه ... قلت ها متش كلووووو على بعضووووووو ..صكووووووووووووووني بمبلغ ..
خيالي دفعت اللي معي واللي في البطااقه كلها ومابقى في جيبي الا التذكره ...
طلعت وانا خانقتني العبره .... وأشرت للوليد بن طلال ..وقلت له ترا الحساب واصل ..
هو مادرا وش اقول لانه مشغووول باجتماعه .. وابتسم لي ...
قلت في خاطري فلووس الدنيا عنده وماصدق خبر ان احد يحاسب عنه ..........
<<< قسم بالله ماعندكم سالفة من صدقكم منسجمين
سلم لم
17-Oct-05, 12:19 PM
العرض العادي
