شعر سوداني

[جاك طويلة]

كلمات...صلاح حاج سعيد

أداء...مصطفى سيد احمد
رحم الله روحه


كتبت ليك
لا بيني بينك
ريدة لا قصة غرام
كتبت ليك
اخترت ليك أجمل حروف
وأصدق فواصل نادرة في لغة الكلام
لا قصدي ألهو معاك بي كلمات غنا
لا شعري ليك مرجيحة من شعر الغمام
كتبت ليك والله يا قمر الزمان
عشان جيتي بالزمن المحنة
وشفت في عينيك حس أهلي القدام


كتبت ليك وأنا جاي من زمن الشقى
المرسوم على وش السواقي مظللا
تتمدد الساعات سنين
تتفتح الأحزان غريبة ومذهلة
واشتاق أفتش نسمة في الزمن العذاب
وأيامي من كتر الأسى
كتر العزوف والاغتراب
صارت حروف مترهلة
لحظات كثيفة ومهملة

كتبت ليك .. ..... وقفت ليك

لامن لقيتك جايه في قلب الطريق
ولمحت فيك راحة المشاوير البعيدة
ولفحة النسمة الحنينة الجاية من جوف المضيق
حسيت عجايب الدنيا اتلمت بقت جاياني من عصر سحيق

عينيك حس أطفال بنادو القمرة للغايب يعود
وجبينك الضواي حجل حبوبة في الزمن السعيد

يا قمرة .....شوفي السنسنة الحمرا...
شوفي لي الما جا...


وأنا في قساوة الموحش الزمن المكهرب
بالحريق أنا حيلتي إيه قولي يا قمر الزمان
غير اتكي احلم معاك واحضن أماسي الصحو
والأمل البريق




منقول

 

 

[ساكن الكهف]

يسلموووو أخوي
على هذا النقل و هذه الكلمات العذبة

رحم الله كاتبها

 

 

[شهـــــــــرزاد]

سلمت و سموت أخي جاك طويلة

على هذه القصيدة المميزة و هي أول مصافحة لي مع الأدب السوداني

وجدت عذوبة بالتشبيه و توصيل المعنى بشكل راقي

لا عدمنا تواجدك أخي الكريم

و بانتظار جديدك

شهرزـاااد

 

 

[جاك طويلة]

المشاركة الأصلية كتبت بواسطة ساكن الكهف

يسلموووو أخوي
على هذا النقل و هذه الكلمات العذبة

رحم الله كاتبها

مشكور اخي عبد الله
سعدت بمعرفتك

 

 

[جاك طويلة]

المشاركة الأصلية كتبت بواسطة شهـــــــــرزاد

سلمت و سموت أخي جاك طويلة

على هذه القصيدة المميزة و هي أول مصافحة لي مع الأدب السوداني

وجدت عذوبة بالتشبيه و توصيل المعنى بشكل راقي

لا عدمنا تواجدك أخي الكريم

و بانتظار جديدك

شهرزـاااد

بل انا سعيد بهذه الشهادة وتزوقك للشعر العربي عامةاشكرك اختي شهر زاد