بمشي على دربٍ له النـاس يسعـون

[قمووورة 14]

قصيده عجبتني وحبيت انقلها لكم .. ^_^



بمشي على دربٍ له النـاس يسعـون
وأصد عـن درب الدجـى والعتامـه

وابقصر اليسرى عن الضيم والهـون
وأطلـق يمينـي للصخـا والكرامـه

وابحترم نفسي وأنا شخـص ممنـون
ومن يحترم نفسه وجـوب احترامـه

ماني من اللي في ذرى الحيط يمشون
والا من اللـي معتلـي فـي مقامـه

متواضع ٍ وأمشي على الحق بالهـون
متوسط أهـل المعرفـه والشهامـه

هذا طريقي وأكثـر النـاس يـدرون
صدّيـت عـن دربٍ حلالـه حرامـه

ميّزت ربعي بيـن عاقـل ومجنـون
وأكشف بليد المنفعـه مـن سلامـه

وأهل المصالح لو على يـوم يبنـون
في يـوم ثانـي يرغبـون الهدامـه

وأهل الحكي لو لك عن الناس يحكون
يجيك يـوم ويقصـدك فـي كلامـه

لا صار سيفه لأقرب الناس مسنـون
يضرب رفيقه وإن قوى في عظامـه

ناس ٍ مع الكلمه .. يروحون ويجـون
!بس المصيبـه يدّعـون الفهامـه !

ولا نيـب ديـان ٍ ولا نيـب مديـون
ولا بغيـت مـن الهـروج الملامـه

ولا طلبـت مـن المخاليـق يبكـون
ولا بغيـت مـن الحزيـن ابتسامـه

بمشي بدربي وأترك النـاس يمشـون
كل ٍ على كيفـه رقـى كـل هامـه

ولا صرت أنا من راعى الطيب مطعون
ابيستـوي قـرب الرفيـق وعدامـه

وإن خاب ظني بأقرب الناس وشلون ؟
بعطيـك ظنـي يـا رفيـق الندامـه


منقول

 

 

[وحيد الثقلين]

وابقصر اليسرى عن الضيم والهـون
وأطلـق يمينـي للصخـا والكرامـه

شكر القمووورة 14
على النقل الرائع
والله يعطيك العافيه

وتقبلي تحياتي

 

 

[عاشق سراب]

صح لسانك ولسان القايل اختي الغاليه والمبدعه قموووره 14

وعساك دوم على القوه !!

 

 

[قمووورة 14]

اخوي وحيد الثقلين
اخوي عاشق سراب


تسلمووووون يالغاليين على مروركم الرائـــــــــــع ..

 

 

[صفوت الماس]

تسلمـــــين قمورة ع القصيدة ..
وصح لسانك ولســان قايلهــــــــــــا ..

وربي يعطيك الصحة والعافيـــــــــة ,,

وسلمت أناملكِ على ما خطت من كلمــــــات
وأبيــــــات رائعــــــــة ..

اختيــــــار موفق .. ذوق رفيــــع ..
نقل متميـــــز ..

تحياتي ..
صفوت الماس