يمه تراي مشغول (( الرجاء الدخول للاهميه))

[hamny]

انا اتوقع الاغلبيه لهم امهات ..

والأم مسيكينه ضعيفه مهب مثل الاب مهما كان ..

يعني غالبا بأغلب البيوت خاصتاً اهل نجد الاب له السطله بالبيت ..

وكلمته هي المسموعه ..

الصراحة انا استاء كثير اذا كنت مع واحد ورن جواله وشفته يكلم امه بكل - قلة ادب - ..

يعني وصل ببعض الناس يقول :

ايه .. طيب .. وش دخلني انا فيك خل فلان يوصلتس .. لا انا مشغول مع الشباب وطالع ..

واذا ســكر قال والله يا بلشه امي تبين اودية لبيت جدي ..

والله اني ودي اعطيه طراق من قلب ..

وكم مرة صارت لي قلت طيب انا منب قاعد معك تبي توصل امك ول انا منب اولى من امك ..

الام محد عرف حقه الى الان ولنتب عارف حقه ..

الام هي الي حملتك تسع شهور ..

الام هي الي وضعتك .. ورضعتك ..

الام هي الي سهرت عليك كل ما قمت بليل تصيح ..

الام هي الي تشقا عشانك .. وتشيل الوصخ منك - وانتم بكرامة - ..

الام هي الي ودتك للمستشفى وراكظرت معك يوم انك تمرض ول يسير لك شي ..

الام هي الي حاولت تسعدك بكل ما اوتيت من قوة ..

الام .. الام .. الام ..

لو اقول من اليوم لبكرا ما اوفيه حقه ..

والرسول اوصى بالوالدين احسنى ..

قال تعالي ( وقضى ربك ألى تعبدوا الي اياهـ وبالوالدين احسانا )

قال صلى الله عليه وسلم ( أمك .. ثم أمك .. ثم أمك .. ثم ابيك )

الأم حقها عضيم .. وبالاخر ..



والله منب فاضي طالع مع اخوياي خلي فلان يوديك ..

يمه تراني طفشت كل يوم نروح نرجع بلوزة ونجيب بلوزة صارت شغلانه منب سواق عندكم !!

يوووهـ تراي طفش ودي اغراض ورجع اغراض جيبو لكم سواق انا منب فاضي ..

نعم .. لا ما اقدر اوديك هلحين .. طالع مع اخوياي .. لا .. بعدين خلاص انا مشغول .. طيب طب .. مع السلامة .. اقول مع السلامة !!



اخواني هذي عبارات تصدر مننا حنا الشباب ..

وش الحل لها ..

ليش كل مل طلبت مني امي طلب احس انه مثل الجبل فوق راسي ..

واذا طلب مني خويي اوصله لقريح اقول كم عندي ( ... ) منك ترا ما عندي الى واحد ..

ليش !! ليش !!

يعني خويك ما عندك منه الى واحد وامك عندك منه عشر ؟

لا والله خويك ما عرفته الى من سنتين ثلاث عشر .. .. !!

امك من ولدتك وهي ملازمتك وتخدمك !!



والله بعض الناس لو يقوله ابوهـ رح ود الموتر غير بطارية .. ويقول لابوهـ خل فلان انا اخر مرة مغير البطارية ول مشغول اليوم .. يقوله ابوه كل تبن ورح ودهـ والله ياكل تبن ويوديه ..

لكن امك ترجيك ما تطق له خبر ..

انا لله وانا اليه لراجعون ..

طيب اترك عنك الاحاديث والايات عن فضل الوالدين ..

انت هلحين لو شخص يسوي لك خدمة .. او يزين لك شي بدون ما تقوله ..

ما تشكرهـ من قلبك ووالله لو يطلب الي يبي تسوي له ؟

طيب وش رايك بشخص تكرمون يشيل نجاستك وبلاويك وانت صغير لا ويضحك لك بعد ويلعبك .. ويصبر على صياحك ..

ما يحق لك انك تشيله شيل اذا اوتيت قوة وصرت رجال ؟

ما تقدر توصل امك لسوق ول لبيت خالك ول .. لخويته ول لاي شي ؟؟


الصراحة ارجو انكم تدركون عضم الوالدة وحقها ..

وانا ما اتقوقع انه به احد امه يوم هو صغير رمته بالشارع وقالت وش ذا البلشة ..

طيب ليش يوم كبرت ترمي امك على اخوك وتقول روحي مع اخوي انا ما اقدر ارجع لك انا طالع بعيد ..

واكرر رجائي خذ الموضوع بعين الاعتبار وبر بوالديك ترا والله محد متحسف لا ماتت الى انت لانك ما بريت به .. وتعض أيدين الندم ..

وفيه ناس ما عاشوا مع امهاتهم توفيت امهاتهم وهم صغار ولا حس بالحنان ويتمنى امه ترجع له يوم يبر به ..


واتمنى اني ما اجرح احد يعني اذا احد امه متوفيه الرجاء انه يعذرني لاني لااعلم بكل حاله عضو بهذا المنتدى الرائع
والله يرحم موتى المسلمين

[تركي97]

الللللللللللللللللللللللل للللللللللللللللللللللللل للللللللله يا الأم متى أشوفك علشان أبوس راسك وإيدينك...

الله يهدي بعض الشباب....مايعرفون قيمة النعمه اللي بين إيديهم...

شكرا حبيبي على الموضوع..

أخوك:تركي...

[hamny]

يعطيك العافيه على المرور الرائع اخوي تركي

[samgh]

عضم الوالدة وحقها ..

الجنة تحت أقدام الأمهات

يكفيني هذا

طرح رائع ومفيد

جزاك الله خير

[hamny]

مشكور اخوي على المرور الرائع