حبك بقلبى مات واعلن رحيله

[السداوية]

هذي القصة وايد عيبتيني في احدى المنتديات

وحبيت اني انقلها لكم

واتمنى انها تعيبكم

واتمنى اني اشوف ردودكم على القصة

وللأمانة القصة ((بقلمـ ‏ختكمـ طيبة القلب ))

من منتدى قمر

وعلى فكرة ارجو التثبيت من قبل المدير العام اذا ممكن

واخليكم مع الجزء الاول





‏][][§¤°^°¤§][حبك بقلبي مـــات واعلن رحيله ][§¤°^°¤§][][‏




بقلمـ ‏

ختكمـ طيبة القلب *_^‏



الالم و العذاب شيء قاسي في حياتنا ..‏

قد يجرحنا بيوم او‎ ‎يؤلمنا شخص من هذه الحياة بقصد او‏

‏ بدون قصد .. ‏

نكبت مزيج من‏

‏ انفعالات الغضب والاحساس بالظلم والمشاعر ‏

المتضاربة داخلنا ..‏

نتحمل

ونكابر

ونغفر

ونسامح ‏

لماذا ياترى هل لان تنبع فينا الطيبة او انه الحب تجاه هذا

‏ الشخص .. ‏


لكن ‏

وهنا السؤااااااااااااااااااااا ااااااااال يطرح نفسه‏

ياترى ‏

هل سنتحمل هذه الآلم والجروح او ........ ؟؟؟؟؟؟؟؟؟؟؟؟؟؟؟



نبذه عن أبطال القصة والشخصيات الثانوية :‏

الاخوان

‏(( عايلة سالم - بو محمد - الاخ العود ))‏

ويتكون من:‏
بو محمد وام محمد
وعيالهم :‏
‏(محمد) 30 سنة موظف مالج على بنت عمه روضة..‏
و(عبدالله) 28 سنة بعده ما عرس يشتغل في البنك ..‏
عقب (سلامة) 26 سنة متزوجة من ولد خالتها (خالد ) ‏وعندهم روضة 5 سنوات وحميد 3 سنوات و عبدالله سنتين ‏‏..‏
اللي عقبها حمد 25 سنة يدرس في كليه الشرطة ..‏
وحمده 24 سنة متزوجه من علي ولد عمها ‏
وعندها موزة 3 سنوات ..‏
اللي عقبها شما 23 سنة تدرس بالجامعة تخصص اعلام ..‏
واللي عقبها ريم 21 سنة تدرس بالجامعه ويا مريم بنت ‏عمها وفي نفس التخصص علوم ادارية..‏
واخر العنقود ميرة 18 سنة ثانوية عامة هالسنة ( ادبي ) ..‏

‏..............‏

‏(( عايلة مبارك - بو حمدان - الاخ المتوسط ))‏

ويتكون من :‏
بو حمدان وام حمدان
وعيالهم :‏
حمدان 27 سنة يدرس بالخارج هندسة طيران..‏
حميد 26 سنة اعزب ويشتغل بالاتصالات ..‏
فاطمة 24 سنة اخر سنة بالجامعة مالج عليها واحد من ‏اهلها اسمه منصور ..‏
خليفة 22 سنة يدرس بالكلية التقنية العليا - بزنس - ..‏
مريم21 سنة ويا نورة وريم من كثر ماهن ويا بعض ‏يسمونهن (( الثلاثي المرح ))‏
سيف 17 سنة ثاني ثانوي ( ادبي ) ..‏
عفراء 14 سنة ثاني اعدادي ..‏

‏.............‏

‏((عايلة راشد - بو علي – الاخ الصغير))‏

ويتكون من :‏
بو علي وام علي متوفية من سنتين..‏
وعياله : ‏
علي 27 سنة موظف ..‏
روضة 25 سنة مخلصة جامعة وتتريا الوظيفة ..‏

‏.............‏

‏(( عايلة سلطان - بو مايد - ))‏

ويتكون من :‏
ام مايد وريلها بو مايد متوفي من عشر سنوات ..‏
وعيالها :‏
مايد 27 سنة ربيع حمدان الروح بالروح ويدرس وياه ‏هندسة طيران في الخارج ..‏
هزاع 26 سنة ويشتغل بالاتصالات اعزب ..‏
حصة 23 سنة باقي لها سنة ونص وبتخلص الجامعة ..‏
نورة 21 سنة بالجامعة تخصص علوم ادارية ..‏

‏.................‏


‏(( عايلة ذياب - بو خالد - ))‏

ويتكون من :‏
بو خالد وام خالد ‏
وعيالهم :‏
خالد 29 سنة متزوج سلامه بنت خالته و يشتغل بالمطار ..‏
وسعيد 26 سنة اعزب دكتور تخصص اعصاب و جراحة ..‏
احمد 25 سنة يشتغل بدائرة الاقامة والجنسية ..‏
سيف 21 سنة بطالي اكبر صايع في بوظبي مبزي من صوب ‏امه وايد ..‏



‏::]‏‎¦‎‏[:: الجزء الاول::]‏‎¦‎‏[::‏



‏~~ ياكثر ذكرياتك ~~‏
‏~ في خيالي يا كبر صيتك ~‏
‏~~ تجيـني مثل ~~‏
‏~ شلال السنين بلهفة الذكرى~‏



شما : ماريد انت سبال ..‏
‏.... : جب لا اعطيج بكس في خشمج ..‏
شما ( وبدات تصيح ) : والله بسير اخبر عليك ابويه..‏
‏.... : جب انتي الحينه حرمتي ..‏
شما : تخسي ماريد استوي حرمتك ..‏
‏.... ( وييودها من شعرها ) : غصبا عليج حرمتي ..‏
شما ( تصيح ): ماريييييييييد هدني اكرهك ..‏
‏....( شاف بو شما ياي شرد ) : اراويج يوم يسير ابوج ..‏


شما : ههههههههههههههههههههههههه ههه..‏
ميرة : الحمدلله والشكر ختكم استخفت ..‏
سلامة : جب مسوده الويه سكتي عنها ..‏
حمده : شما .. شمااااااااااااااااااااا..� �
شما ( وتوها تنتبه وتنزل من احلام طفولتها السعيدة لارض ‏الواقع) : هاا .. شوو مستوي ..‏
ريم : فديتج شموه مب مستوي شيء بس بلاج كنتي ‏تضحكين ضحكينا وياج ..‏
شما ( بابتسامة باهتة ) : ماشي طرى على بالي موقف ‏وضحكني ..‏

‏( وشوي يرن تليفون سلامة )‏

سلامة : مرحبتين .. ان شاء الله ..تحت اوكيه الحينه يايه ‏
مع السلامة ..‏

‏( وتبند التليفون )‏

سلامه : يالله فديتكن بسير شيء في خاطركن ..‏
ميرة : وين تو الناس مايلستي ..‏
سلامه : لا فديتج ريلي تحت حليله راد من الزام تعبان ..‏
ميرة ( بخبث ): هيه ريلج.. ياربي انا متى بعرس عسب ‏ناس يولهون علي ..‏
حمده : اسميج مضيعه المذهب جليلة الحيا .. ‏
ريم : هيه والله مسوده الويه انا بسير بخبر يدوه عنها ..‏
ميرة : اوووووووووه والله كلكن معرسات واللي مالجه ‏ماشي غيري وغير شمااا..‏
‏( وكلهن البنات من طرت ميرة سالفة العرس وشما.. ‏
تمن يطالعنها وتغير ويه شما وفولت من خاطرها )‏
شما ( بصوت عالي ) : ظهرن برع ما ابغي اشوف حد ..‏
‏( وتيي صوبها ريم تبغي تهديها وتهب في ويهاا )‏
شما : ما تفهميييييييييين اقولج بررررررررع ..‏
سلامة : اوكيه شما خلاص هدي يالله بنات تعالن ..‏
حمده : لاحول ولا قوة الا بالله ..‏
‏( وظهرن البنات برع حجرة شماا وقفلت شما الباب ويلست ‏تحت الباب تصيح )‏

‏......................‏


‏(في بريطانيا)‏

حمدان : وبعدين وياك يالله والله مليت ..‏
مايد (وتوه ينتبه) : شو قلت ؟؟
حمدان : ماشي سلامتك بس ابى ارد الشقة والله تعبان من ‏البارحة مب راقد ..‏
مايد : بذمتك هالمكان الحلو وتقول تبي ترقد ..‏
حمدان : يالله مايد حرام عليك والله تعبان ..‏
مايد : ههههه اوكيه يالله مشينا يا بو الرقاد ..‏

‏.................‏

‏(بيت بوعلي وبالتحديد بالميلس )‏

علي : ههههههههههههه يا ريال ..‏
محمد : هيه والله اسميه متفجج تقول محد رقوه الا هو ..‏
علي : ههههه حليله والله ..‏
محمد : هيه والله طيب وايد ..‏

‏...............‏

‏( بيت بو حمدان )‏

مريم :حلفي انتي بس ..‏
‏..... : هيه والله اليوم شفتها بالمبنى ..‏
مريم : غريبة ليش ما راويتيني عيل .. اقولج فديتج امايا ‏تزقرني احينه خلاف بدق لج ..‏
‏..... : اوكيك يا كيك ..‏
مريم : وداعة الرحمن ..‏
‏.... : وداعة الله ..‏
‏( وتبند التليفون وتسير تشوف امها )‏

‏.................‏

‏(بيت بومايد)‏

حصة :اووووووووه والله مايسوي جي الحين يعطونا ‏الاجازة ليش عسب نيلس بالبيت ..‏
ام مايد: اوص قطعيها رمستج هاي وين تبين تهيتين ‏انصاف الليول..‏
نورة : امايا فديتج اي انصاف الليول.. توها الساعة سبع ‏ونص ..‏
‏.....: موووووول محد يعرف يرتاح في هالبيت ..‏
ام مايد : زين جي وعيتن اخوكن من رقاده ..‏
حصة : هزاع فديتك طلبتك طلبه قول تم ..‏
هزاع (ويلس عدال امه ويحب راسها): تم اذا الغلا موافقه ..‏
حصة (وفولت من الخاطر ورايحة بتسير حجرتها ): ‏اوووووووه شو هالبيت ياليت كنا بالسكن كان ابرك لنا ‏‏(ورقعت الباب وراها بالقووو)‏
هزاع : هههههههههههه بلاها اختج عافانا الله ..‏
نورة : حليلها الاجازة بتخلص ونحن ما ظهرنا من البيت ‏نبغي نتنفس يا ناس (وتعلي صوتها ) حسوا فينا يا عالم ..‏
ام مايد : صه مسوده الويه ..‏
هزاع : هههههه ما عليه امايا خلينا نظهر اليوم بنسير ‏المزرعة .. نرقد لنا جم يوم نغير جو ..‏
نورة ( ومن الفرحة تنقز ): هيييييييييييييييييييه بسير اخبر ‏حصيص ( وسارت تربع )‏
ام مايد : الحمدلله والشكر بلاهن بناتي استخفن ..‏
هزاع :ههههههههههههههه

‏...............‏


‏(بيت بو خالد)‏

سيف : الشييييييمه طلبتك لا تردني..‏
سعيد : لا يعني لا ..‏
سيف : يالله بو عسكور لا تخاف مابا اسويبها شيء ..‏
سعيد : سواف سير انجلع من ويهي تراني مانسيت شو ‏سويت بموتري الاول ..‏
سيف : احينه القرمبعه هاذيج تسميها موتر ..‏
سعيد : كيفي يالله اذلف عن ويهي ..‏

‏...........‏

‏(في سيارة خالد)‏

خالد : والحين شو الحال عليها ..‏
سلامه (وتتنهد) : والله شو اقولك نفس ماهي ..‏
خالد : الله كريم ..‏
سلامه : ونعم بالله ..‏

‏...........‏



‏(في بريطانيا وبالتحديد بالشقة)‏

حمدان اول ما رد عالطول انسدح على شبريته ورقد من ‏التعب ومايد يدور مب عارف شو يسوي من الملل سار ‏الصالة وبطل التلفزيون يفتر بالقنوات وشوي ويرن تليفونه ‏ويبتسم اول ما شاف الرقم ويرد ..‏
مايد : هههههه فديتج والله متوله عليج وايد ..‏
‏.... : امبين لو متوله جان تسال تدق ..‏
مايد : افاا والله تراني ما فضيت تدرين ضغط علي هالسنة ..‏
‏..... : يا ربي متى تخلص والله متولهه عليك واااااايد يارب ‏يوفقك وتنجح ..‏
مايد : اميييييين يا رب وانتي شحالها دراستج ..‏
‏.....: والله ماشي الحال عم ندفش ..‏
مايد : خخخخخخخ درسي عدل عسب تتخرجين ..‏
‏.....: افا عليك بنت سلطان ما ينخاف عليها ..‏
مايد : ونعم والله .. الا امايا ونواري وهزاع اشحالهم ..‏
حصة : والله الحمدلله كلنا بخير ولا ابشرك الحينه نحن ‏بالمزرعة هزاع تكرم علينا وظهرنا بنيلس اسبوع تخيل ..‏
مايد : ههههههههههههههههههههههههه هههههههههههه
وينه عنج والله يا ان سمع رمستج احلمي يظهرج مرة ثانية ‏‏..‏

‏.......................‏

‏( بيت بو محمد في الصالة )‏

ميرة : اوووووف ملل ..‏
ريم : ياربي ماتعرفين تجبين انتي ..‏
حمده (وهي داشه الصالة) : بس اربع وعشرين ساعة ‏مناقر ..‏
ميرة : والله ما ادريبها اختج هذي بلاها علي ..‏
ريم ( وهي رايحة حجرتها ): اسير حجرتي ابرك لي ..‏
ميرة : فكة ..‏
حمده : مب لسان عليج يا السباله اختج اكبر عنج حشميها ‏‏..‏
ميرة : ان شاء الله من هالعين قبل هالعين ..‏
حمده( مستغربة ): اوب اوب من متى هالادب ..‏
ميرة : من يومي مادبة بس انتن ما تدانوني المهم ‏حمدوووووه ما علينا من هالسالفة ..‏
حمده ( وهي تطالع المجلة ) : اهمممممم ..‏
ميرة : حمده طالعيني ..‏
حمده ( وتهد المجلة ): ها شو بغيتي ..‏
ميرة : شو رايج نسافر هالسنة من زمان ما سافرنا رباعه ‏ويا قوم عمي مبارك وعمي راشد ..‏
حمده: والله فكرة بس ما ادري ريلي عنده اجازة ولا لأ ..‏
‏( وشوي يوصل لحمده مسج )‏
ميرة : من منو هالمسج ..‏
حمده : اففف على اللقافه..‏
ميرة : افا والله ..‏
حمده : من ريلي ارتحتي ..‏
ميرة : شو يبا ؟؟
حمده : يباني اظهر له برع يترياني بنسير البيت ..‏
ميرة : يالله قوم الزط هذا ريلج يخاف يخسر 30 فلس عسب ‏يرمسج دقيقة ..‏
حمده ( تطالعها بنص عين ): ها ميرووه جنتي اسمعج ‏تغلطين على ريلي ..‏
ميرة : لا بويه السموحه منج ومن ريلج بس لاتنسين سالفة ‏السفر ..‏
حمده ( وتلبس عباتها وتظهر للحوش ): اوكيه يالله مع ‏السلامة ..‏
ميرة : مع السلامة ( وترد للصالة وترمس روحها ) اففف ‏اونه لاتغلطين على ريلي من زينه الزطي ..‏
‏( وتسمع صوت من وراها ): منووووو الزطي ؟؟

‏.‏
‏.‏
‏.‏
‏.‏
‏.‏

يتبع وللحديث بقية ...‏



على فكرة ماراح انزل الجزء الثاني

الا بعد ما شوف ردودكم وانتقاداتكم

اوكية



والسموحةا ختكم

السداوية

[السداوية]

انشاء الله يعجبكم الجزء